2024-04-17
HomeFederazioakZerbitzu PublikoakBilbo Bizkaia Ur Partzuergoaren politika pribatizatzaileen aurrean, Udal Sareak SAaren desagerpena herritarron...

Bilbo Bizkaia Ur Partzuergoaren politika pribatizatzaileen aurrean, Udal Sareak SAaren desagerpena herritarron garaipena da

Zerbitzu publikoen defentsan, albiste handi bat da herritarrontzat Udal Sareak SA enpresaren jarduera etetea, Bilbo Bizkaia Ur Partzuergoak bere eskumenak zuzenean bereganatuz. Ez dugulako ahaztu behar kudeaketa pribatua duen enpresa hori 2.000. urtean jaio zela Bilbao Bizkaia Ur Partzuergoa ordezkatzeko helburuarekin, eredu publiko batetik eredu pribatu batera pasatzeko asmoz. Partzuergoko kudeatzaile politikoek bultzatutako proiektu pribatizatzailea, baldintza politiko eta sozialen arabera epe ertain luze batean gaur egun pribatizatutako zerbitzuak kudeatzeatzen dituzten enpresen esku geratuko zena (Aqualia, Suez, Acciona …).

Albiste ona da hau, Udal Sareak sortu zenetik LAB Sindikatuak, beste ordezkariekin batera, aurrera eramandako borrokaren emaitza izan baita. Proiektu honen funtsa eta garrantzia agerian uztea izan da borroka honen helburua, hortarako ekimen ezberdinak aurrera eramanaz; Batzar Nagusietan eta Bilboko Udalean mozioak aurkeztea, herritarrak informatzea, Partzuergoko langileon mobilizazioak udal ordezkarien batzarraren aurrean…

Kalitatezko zerbitzu publikoen aldeko borrokan garaipen txiki bat da hau; izan ere, helburu bera izaten jarraitzen duen aldaketa formal bat besterik ez da. Beraien helburua, funtsezko zerbitzu hau esku pribatuen esku uztea da, multinazionalen poltsikoak diruz betez eta herritarren interesen kontra eginez, hauei garestiagoa izango zaien zerbitzu kaxkarrago bat eskainiz.
Bere garaian Udal Sareak erakundeari lagatako eskumen guztiak Partzuergoak bere gain hartzeko erabakiak ez du Partzuergoaren norabide pribatizatzailea aldatzen, izan ere, etengabe ikusten dugu Partzuergoaren eskuduntzak enpresa pribatuen mesedetan azpikontratatzen direla.

LAB Sindikatutik % 100ean publikoa izango den zerbitzu baten defentsan eta pribatizazioen aurka borrokatzen jarraituko dugu, kapitalaren interesen gainetik pertsonak eta kalitatezko zerbitzu publikoak ezarriz.
 

 

 

AZKEN ALBISTEAK | ÚLTIMAS NOTICIAS

Oso positiboki baloratzen ditugu baraualdiko hiru egunak eta gaurko greba eguna, eta seriotasuna eskatzen diogu Gizardatzi

Bizkaiko Esku-hartze Sozialeko langileok prest gaude egiten dugun lan publikoaren aitortzaren alde borrokatzeko. Orain arte eginiko baraua eta gaurko greba adibide garbiak dira. Bada, Gizardatzi eta Geroani seriotasuna eskatzen diegu.

Ernaik gazte blokea osatuko du Maiatzaren Leheneko Iruñeko manifestazioan

Ernai gazte antolakundeak gazteentzat bizi baldintza duinak aldarrikatuko ditu Maiatzaren Lehenean, eta bat egingo du LABek deitu duen mobilizazio nazionalarekin. 11:00etan Trinitarios plazatik abiatuko den gazte blokean parte hartzera dei egin diete gazteei. Gazteen mobilizazioak Sarasate pasealekuan egingo du bat LABen manifestazioarekin.

Envases Metalurgicos de Álava enpresan bi langile kaleratu dituzte azken 6 hilabeteetan

Pasa den martxoaren 27an egin zuen Laudioko enpresak azken kaleratzea.