2024-02-24
HomeZerbitzu PublikoakZerbitzu SoziokomunitarioaBihar osteguna, lanuztea eta mobilizazioak, APNABIko enpresa batzordeak deituta

Bihar osteguna, lanuztea eta mobilizazioak, APNABIko enpresa batzordeak deituta

APNABIko langileek (200 inguru), Bizkaian autismo duten pertsonekin lan egiten dutenak, gaur egun dagoen Zuzendaritza Batzordeak eta Kudeatzaileen taldeak eragin dieten egoera salatuko dute biharko lanuzte eta mobilizaioekin.

APNABIn enpresako Lan Hitzarmena dute eta 2008tik lan hitzarmen berria negoziatzen ari dira akordio osoa lortu barik. Lan Erreformarekin enpresak jarrera guztiz aldatu zuen eta Lan Hitzarmenaren negoziazioarekin jarraitzeko onartu ezinak ziren 6 puntu ezarri nahi zituen jakinda, azken Lan Erreformak aukera ematen diola lan hitzarmen hau desagerrarazteko eta langileok ditugun eskubideak suntsitzeko.

Ildo honetan APNABIk uztailan zehar langileei jakinarazpen bat bidali zien 2014ko urtarrilaren 1etik aurrera Espainiako lan hitzarmena inposatuko zuela esanez.

Enpresa Komiteak zera eskatzen du: enpresa honetan gardentasuna izatea eta benetan negoziatzeko borondatea erakustea. Langileek argi dute salaketa eta mobilizazio bidetik jarraituko dutela. Hori dela eta hurrengo irailaren 26an 8:00etatik 12:00etara APNABIko langile guztiak lanuztea egitera deitzen ditu enpresa batzordeak.

Lanuztearekin batera ondorengo elkarretaratzeak egingo dira:

  • Iruña kalea 5ean 9:00etatik 10:30ak arte (Ikastetxearen aurrean)
  • Antonio Gezala Margolaria 1 eta 2an 8:00etatik 12:00ak arte (bulegoetan)
  • 10:30etan ikastetxetik bulegoetara manifestazio bat abiatuko da.
  • 11:00etan Enpresa Komitekideen adierazpenak Antonio Gezala Margolaria kalean 1 eta 2 zkian. 
LAB sarean
{module[111]}

       

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.