2026-11-17
HomeIndustriaMetalgintzaBigarren greba eguna Catelsa enpresan

Bigarren greba eguna Catelsa enpresan

Catelsako langileek bigarrengo greba eguna egin zuten atzo enpresaren itxiera salatzeko. LAB pozik dago grebak izan zuen jarraipenarekin, kontutan izanda nahiz eta ELA, CCOO eta UGT sindikatuek ez zutela deialdiarekin bat egin. Goizez fabrika ia erabat geldirik egon da.

LABentzat txalogarria da langileek lanpostuen defentsan eta enpresaren itxieraren aurka egiten ari diren borroka. Krisi testuinguru hontan multinazionalek irabazi gehiagoren bila enpresak ixtea erabat bidegabea eta onartezina da. Enpresak bere horretan jarraitzen badu langileak ere borrokan jarraituko dutela esan dute.
Hurrengo greba eguna bihar izango da, abenduak 5.

 

AZKEN ALBISTEAK | ÚLTIMAS NOTICIAS

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.