2024-07-14
HomeEkintza SindikalaBeste hildako bat estres baldintzetan

Beste hildako bat estres baldintzetan

Beste lan ezbehar hilgarri bat deitoratu eta salatu behar dugu, kasu honetan Elgoibarren, Gipuzkoan. Aurtengo 54. hildakoa lan istripuan hain zuzen, 17. ez traumatikoa zehazki. Schaeffler Iberiako langilea ondoezik sentitu zen irailaren 2an eta erietxera eraman ostean hil zen asteburuan. Lehenik eta behin, gure elkartasuna eta samina adierazi nahi diegu senide, lagun eta lankideei.

Nabarmena da eta denbora daramagu salatzen egungo sistema neoliberala, lan karga eta presio gero eta altuagoak laneko arrisku faktore nabarmen bilakatu dituena. Gainera, azken urteotan langilearen enpresan emandako enplegu suntsiketak eta datozen kaleratzeak egoera larriagotu eta langileen ezinegona areagotu ditu. 2022an 17 heriotz ez traumatiko eman dira lanpostuetan, arazo kardiobaskularrak eragiten dituzten arrazoi laboralak tarteko. Lan osasunerako araudiak mende laurden baino gehiago abian daraman honetan, gehien ugaritzen ari den arrisku faktorea psikosoziala da. Bere indizeek gora egiten dute irakurketa guztietan eta hauek arazo kardiobaskularretan eragin zuzena dute.

Baina zein da patronalak honen aurrean ematen duen erantzuna? Identifikatuta al dago arrisku hau prebentzio txostenetan? Egiten al dira ebaluaketa psikosozialak? Horrela bada, aplikatzen al dira neurri prebentiboak?

Honela, zer paper ari da jokatzen Eusko Jaurlaritza? Lan osasun materian ia eskumen guztiak izanik, egokitu al du Osalan eta Inspekzioaren lana, gero eta pisu handiagoa duen arrisku faktore honetara?

Egoera horren aurrean, norbaitek sinets al dezake kasualitatea edo zorte txarraren aurrean gaudenik? Administrazioei, lan-istripuen eta lanbide-gaixotasunen gaitz horri aurre egiteko azalpenak eta berehalako neurriak, benetako kontrola eta politika zehatzak eskatzen dizkiegu.

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.