Bilboko Udalaren 010 zerbitzuko 12 langileek egun osoko greba deialdia deituta zuten apirilaren 29rako. Negoziazioari bultzada emateko asmoz baina, bertan behera uzteko erabakia hartu dute LAB eta ELAk.

Bilboko Udalaren 010 arreta zerbitzua, azpikontratatuta, Lanalden enpresak kudeatzen du. Langileek urte bat baino gehiago daramate lan baldintzen hobekuntzak eskatzen eta Lanaldenek negoziaziorako duen borondate falta eta Udalak gatazkan duen pasibotasuna ikusita, apirilaren 29an egun osoko greba egitea erabaki zuten.

Enpresak forma kontuak argudiatuta legez kanpoko greba izatea iradoki zuenez erabaki dute langileek greba bertan behera uztea; helburu nagusia baita lan baldintzen hobekuntza jo mugan jartzea. Horregatik apirilaren 29an negoziazio bilera baterako deia luzatu zaio enpresari.

Denbora guzti honetan aurreneko aldia da enpresak asistentzia iragarri duena, espero duguna da ez izatea Udalaren aurrean negoziatzeko borondatea dutela justifikatzeko keinu huts bat. Horrela izanez gero langileak prest daude mobilizazio berriak deitzeko.