2024-05-27
HomeEkintza SozialaHelduak eta PentsiodunakBea Martxueta: "Sistema propio bat beharrezkoa eta bideragarria da"

Bea Martxueta: “Sistema propio bat beharrezkoa eta bideragarria da”

Hitz & Hitz, Manu Robles Arangiz eta Ipar Hegoa fundazioek jardunaldi bat antolatu dute gaur pentsioen gaiaren inguruan hausnartzeko eta alternatibak proposatzeko. LABeko ordezkari Bea Martxueta izan da bertan, eta pentsioen sistema propio bat defendatu du, Lan Harremanetarako eta Babes Sozialerako Euskal Esparru baten baitan.

Martxuetak nabarmendu du politika neoliberalek arriskuan jartzen dutela pentsioen sistema; pobrezia eta prekarietatea areagotzen duten politikek, alegia. Lan erreformek, emakumearen diskriminazioak eta babes sistemaren eraisteak ondorio kaltegarriak ekartzen dituztela berretsi du.

Hala, lan harremanetarako eta babes sozialerako sistema propio bat garatzeko beharraz aritu da: “Sistema propio bat beharrezkoa eta bideragarria da Euskal Herrian”. Sistema horrek izan beharko lituzkeen oinarriak zerrendatu ditu: besteak beste, Kalitatezko enplegua sortzeko benetako politika eraginkorrak sustatu; lan jardunaldia murrizteko eta banatzeko politikak bultzatu; lana eta bizitzaren arteko kontziliazioa bermatzeko benetako politikak egin; zerbitzu publikoak garatu; eta gastu publikoa handitu, pentsioak osatzeko.
 

 

 

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.