Euskal Herriko ikasle mugimenduak greba deialdia egin du ikastetxeetan, biharko, azaroak 28, hezkuntza publiko eta burujabe baten alde. LAB sindikatuak, noski, hezkuntza eredu propioa, publikoa, euskalduna eta feministaren aldarriarekin bat egiten du eta, hartara, biharko ikasle greba babesten du eta antolatu diren mobilizazioetan parte hartzera deitzen ditu langileak.
Besteak beste, hauexek dira ikasleek greba egiteko zergatiak. LABek bat egiten du haien ikuspegi eta helburuekin:
• LOMCE eredu antidemokratikoaren inposizioa.
• Eskubide murrizketen aurrean hezkuntza eskubidearen defentsa; ikasteko baliabide duinen defentsa.
• Ikasle euskaldun eleaniztunak osatutako jendartea lortzeko euskalduntzeko neurrien beharra.
• Curriculum propioaren eta pedagogia eredu alternatiboen beharra, herritar gisa komunitateko partaide aktibo bezala hezteko.
• Berdintasuna, hezkidetza eta eskola inklusiboa.
• Euskal Herriak dauka hitza eta erabakia, hezkuntza eredu propioa euskal herritarrok erabakita.
• Ikasleen erabakitze ahalmena eta eskubide demokratikoak.