2024-03-29
HomeUncategorizedAZTI Fundazioko hitzarmen kolektiboaren negoziaziorako elkarrizketak eten dira

AZTI Fundazioko hitzarmen kolektiboaren negoziaziorako elkarrizketak eten dira

AZTI Fundazioko Zuzendaritzak 2011-2021 bitartean soldatak izozteko asmoa, antzinatasuneko hirurtekoak kentzekoa, euskal sektore publikoko lanaldi luzeenetakoa mantentzekoa eta langileen egoera prekarizatzeko neurriak ezartzekoa azaldu ondoren, langile-batzordeek hitzarmen kolektiborako negoziazioak eten dituzte.

Pretentsio hoiek ez datoz bat Fundazioak azken hamar urteetan izan dituen emaitza ekonomiko bikainekin, ezta Fundazioak dituen neurrigabeko goi-kargudunekin eta gehienetan porrot egiten duten edo Fundazioan eragin kaltegarria duten zalantzazko bideragarritasuneko enpresetan egiten diren inbertsioekin.

Gainera, PPren lan-erreformaren aurka agertu izanak ez dio Eusko Jaurlaritzari bere kargu dauden Fundazioetan berau erabiltzea galerazten, ez baititu hitzarmen kolektiboak paper erre bilakatzea eragotziko luketen klausulak adostu nahi.

Bittor Oroz sailburuorde jeltzalea lehendakari duen AZTI Fundazioa euskal I+Garen prekarizazioaren paradigma izatera iris daiteke, Arantza Tapia sailburuaren hitzak, Euskadiko berrikuntzaren “maila bikaina hobetzera” animatuz, edukirik gabe utziz.

Guzti hori dela eta, LAB eta ELA sindikatuok lan-erreforma ez ezartzeko eskatzen dugu eta, zerbitzu publikoen kalitatean hobetzeko, prekarizazioa geldi dadila.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.