2024-04-18
HomeIndustriaPapergintzaAurre-akordioa Gipuzkoako pasta, papera eta kartoiaren hitzarmenaren negoziazioan

Aurre-akordioa Gipuzkoako pasta, papera eta kartoiaren hitzarmenaren negoziazioan

Gipuzkoako Pasta, Paper eta Kartoiaren Hitzarmen Kolektiboaren Mahai negoziatzaileak 13 bilera burutu ditu, eta hauen ondoren, ELA, LAB, CCOO eta UGT sindikatuak eta ADEGI enpresarien elkarteak aurre-akordio batera iritsi ginen atzo. Aurre-akordio hau enpresa bakoitzeko asanbladetan berretsi beharko da datozen egunetan.

LABetik akordio ona dela deritzogu. Batetik, KPIaren erreferentziari eutsiz, soldaten igoera planteatzen du indarrean dagoen hiru urteetarako, eta bestetik eta batez ere, soldaten deskuelge baten aurrean langileen eta enpresaren arteko akordioaren beharra arautu, 2017ra arte ultra aktibitatea eman eta Batzorde Paritarioaren ordenazio bat jasotzen ditu. Soldata eta eskubide laboraletan ona zen hitzarmena hobetu da.

Negoziazio honek langileen kolektibo batentzako oinarrizko baldintzak arautzen dituen hitzarmen sektoriala tresna baliozko eta beharrezkoa dela erakusten du. Honela, borondatea baldin badago, enpresako langileei eta enpresari egonkortasuna emango dioten akordio garrantzitsuetara heldu ahal dela ikusten da, patronalak lan erreformak ezartzea eta inposizioa aukeratzen dituenean gertatzen denaren guztiz kontra. Azken bide honek gatazkara garamatza.

Argi geratzen da Euskal Herrian lan harremanen eredu propioan sakondu daitekeela, eskubide laboraletan eta akordioan oinarritua. ADEGIk zein patronalak orokorrean asko dute ikasteko negoziazio honetaz, forman zein edukietan.

Euskal Herrian, 2012ko azaroaren 16an

AZKEN ALBISTEAK | ÚLTIMAS NOTICIAS

Oso positiboki baloratzen ditugu baraualdiko hiru egunak eta gaurko greba eguna, eta seriotasuna eskatzen diogu Gizardatzi

Bizkaiko Esku-hartze Sozialeko langileok prest gaude egiten dugun lan publikoaren aitortzaren alde borrokatzeko. Orain arte eginiko baraua eta gaurko greba adibide garbiak dira. Bada, Gizardatzi eta Geroani seriotasuna eskatzen diegu.

Ernaik gazte blokea osatuko du Maiatzaren Leheneko Iruñeko manifestazioan

Ernai gazte antolakundeak gazteentzat bizi baldintza duinak aldarrikatuko ditu Maiatzaren Lehenean, eta bat egingo du LABek deitu duen mobilizazio nazionalarekin. 11:00etan Trinitarios plazatik abiatuko den gazte blokean parte hartzera dei egin diete gazteei. Gazteen mobilizazioak Sarasate pasealekuan egingo du bat LABen manifestazioarekin.

Envases Metalurgicos de Álava enpresan bi langile kaleratu dituzte azken 6 hilabeteetan

Pasa den martxoaren 27an egin zuen Laudioko enpresak azken kaleratzea.