2024-02-26
HomeOharrakHeldu eta PentsiodunakAsanbladan adostutako ebazpeba

Asanbladan adostutako ebazpeba

Momentu historiko honetan, pentsiodun eta helduok eragile aktiboak izan behar gara

LABeko Helduen eta Pentsiodunen Arloko Asanblada Nazionalak hurrengo ebazpena adostu du:

Garai berria ireki da Euskal Herriarentzat. Momentu historikoa bizi dugun honetan, aukera berriak ireki dira, eta guztiok erantzunkizunez jokatu behar dugu. Pertsona pentsiodun eta helduok, eragile aktiboak izan behar gara egoera berri honetan ere bai. Bizi osoan horren alde borrokatu ostean, orain dugu aukera Euskal Herri libre eta solidarioa behingoz eraikitzeko.

Aldaketa politikoak, aldaketa soziala ahalbidetu behar du. Transizio honetan, langile klasearen interesak ere defendatu behar ditugu, eta pertsona helduok eta pentsiodunok, asko daukagu egiteko eta esateko.

Egun bizi dugun krisi ekonomiko eta sozialaren aurrean, gure herrian inposatzen ari diren erreformak eta elite ekonomiko-politikoen eskutik adosten diren neurri ultra liberalek eragindako kalteen kontrako borrokan jardungo dugu.

Adostutako politika publikoak zorrotz kritikatzen ditugu, eta hauen norabide aldaketa aldarrikatzen dugu, jendartearen interesak defendatuko dituen politikak izan daitezela.

Pertsona helduak eta pentsiodunak garen heinean, ezaugarri eta arazo espezifikoak ditugu. Hauei erantzutea da gure aldarrikapenen eta borroken ardatza, gure bizi-baldintzak duintasunez bermatu arte.

Egungo egoera gainditu ahal izateko, Euskal Herriko instituzio eta eragile sozialok legegintzazko ahalmen eta eskumen guztiak izan behar ditugu gure eskuetan, alor ekonomiko eta soziolaboralean. Beharrezkoa dugu, Lan Harremanen eta Babes Sozialaren Euskal Esparruaren apustua errealitate bihurtzea. Burujabetza politiko eta ekonomikoa Euskal Herriarentzat!

Lasarten, 2011ko azaroaren 4an

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.