2024-06-25
HomeEkintza PolitikoaArkaitz Bellonen heriotza salatu eta sakabanaketaren amaiera exijitzeko mobilizazioak gaur eta bihar...

Arkaitz Bellonen heriotza salatu eta sakabanaketaren amaiera exijitzeko mobilizazioak gaur eta bihar Euskal Herrian

Arkaitz Bellon euskal preso politikoaren heriotza salatu eta sakabanaketaren amaiera aldarrikatzeko hainbat eragile politiko, sozial eta sindikalok deituta, “Espetxe Politika honi ez, sakabanaketarekin amaitu” lelopean elkarretaratzeak egingo dira gaur arratsaldean herrietan eta bihar ostirala, Bilbo, Donostia eta Gasteizko udaletxeen aurrean, eguerdiko 12.00etan.

Gaur eguerdian 30 eragile inguruk prentsaurrean iragarri dituzte mobilizaziook. Deitzaileen artean da LAB sindikatua. Arkaitz Bellon preso elorriotarraren heriotzaren aurrean, aski dela esan eta kalera ateratzeko deia egin da bertan, eskubide guztien alde dauden eragile guztiak batu eta protesta egiteko, inoiz baino beharrezkoagoa delako. 36 urterekin, Cadizko espetxean, etxetik 1000 kilometrora hil da Bellon. 13 urte zeramatzan espetxean, eta maiatzean ateratzekoa zen kalera, kale borroka ekintza batean parte hartu izana egotzita ezarritako kondena oso-osorik beteta. Espetxean zeraman denboran hirutan salatuak zituen Bellonek bere aurkako erasoak, azkena iazko martxoan, Sevillako espetxean preso zelarik. 2007an haren senitartekoek istripua izan zuten, bera bisitatzera bidaian zirela. 

LABetik euskal langileoi bereziki eta jendarteari orohar dei hori bera luzatzen zaie, Bellonen heriotza ekarri duen espetxe politika ankerra salatu eta dispertsioaren aurka kalera ateratzeko, sufrimenduaren soka luze honekin lehenbailehen amaitzeko.

 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.