2024-04-15
HomeIdazkaritzakIdazkaritza FeministaAriser3 garbiketa enpresako langile batek jasandako jazarpena salatzeko elkarretaratzea bihar

Ariser3 garbiketa enpresako langile batek jasandako jazarpena salatzeko elkarretaratzea bihar

Bihar, uztailak 10, 11:30etan Ariser3 garbiketa enpresan emakume batek bere lankidearen aldetik jasotako jazarpena salatzeko elkarretaratzea egingo du LABek Donostian. Jazarpena bera larria izanik, are larriagoa izan da enpresaren jarrera: inolako interbentziorik egin ez eta emakumea kaleratu du.

LAB aspalditik ari da salatzen lan merkatuan jendartean errotua dagoen indarkeria sexista birproduzitzen dela. Finean, emakumeongan oraindik ere gure bizitzako esparru guztietan indarkeria egoerak presente daudela bizi garen jendarte patriarkalaren ondorioz, izan ere, honek botere harreman ezberdinak eta desorekatuak sortzen baititu gizon eta emakumeon artean, emakumeonganako indarkeria egoerak ahalbideratuz.

Lan merkatuari dagokionez gainera, aipatu beharra dago bereziki sektore feminizatu prekarioetan, eta salatzen dugun kasua horren adibide argia da. Indarkeria sexista gertatzeko aukerak oraindik ere handiagoak dira eremu horien berezko ezaugarrien ondorioz: prekarietatea, langileen bakardadea, prebentziorako inolako neurririk ez…

Ariser3 enpresa jazotakoa eta antzeko kasu guztiak gogor salatu behar ditugula iritzita, LAB sindikatuak kontzentrazioa burutuko du bihar, uztailak, 10 (asteazkena) goizeko 11:30etan Donostiako Urumea Pasealekuan (34.znb). 

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.