2024-05-23
HomeOharrakZerbitzu PribatuakARDURABAKOAK, NON GRATOAK

ARDURABAKOAK, NON GRATOAK

  

BBVAko JUNTA 2011

ARDURABAKOAK, NON GRATOAK
 

Gaur ostirala, martxoak 11, Bilbon BBVA multinazionalak ospatuko duen Akziodunen Bilkura Orokorraren aurrean, LAB sindikatuak adierazi nahi du:

·      Ez digula inolako pozarik sortarazten Bilbon egoitza daukan multinazional batek 2010ean jasotako millioi askotako etekinak Euskal Herrian goraipatu eta banatzea, beraiek eta bere arduragabekeriak eragindako krisia pairatzen ari garen bitartean. Francisco Gonzalezek poltsikoratzen dituen 5 millioiak nabarmendu behar dira banaketa horretan.

·      Lotsagarria iruditzen zaigu bankako sektoreak eragindako krisia langileok sufritzen dugun bitartean, hau da, soldata eta pentsio murrizketa jasaten dugun bitartean, honen eragileek ( BBVA, Santander, etab) itzelezko soldatak eta 1000 milioi baino gehiagoko mozkinak lotsa barik banatzen jarraitzea.

·      Ez gaudela batere harro BBVA bezalako multinazional batek munduan Bilbao ordezkatzeaz, banku honek munduan eta batez ere espainiar estatuan eta hego amerikan betetzen duen papera negargarria baita, oinarrizko zerbitzuak (pentsioak, osasuna, hezkuntza, laguntza sozialak…) pribatizatzeko bultzadan arduradun garrantzitsuenetako bat baita, guzti horrek dakarren desberdintasun eta miseriaren areagotzeaz.

·      Gainera, BBVAk eta beste multinazionalek bultzatzen duten eredu ekonomiko eta soziala, txikitzailea eta gizalegezkoa ez dena, gizakiaren biziraupena arriskuan jartzen du daukan koste ekologikoagatik. Politika eta gestio irizpide batzuk gehiengoarentzako zitalak direla uste dugu, eta gero eta denbora epe laburreagoetan pairatzen ari gara euren ondorio gaiztoak. Mozkinen eta etekinen betiko hazkundearen politika eutsiezina da. Eta hau da gaur egungo sistema neoliberalak jarraitzen duen logika, eta BBVA logika honen bultzatzaile nagusietako bat da.

·      Logika hau euren langileengan ezartzen ari dira ere. Zuzendariak itzelezko lansariak jasotzen duten bitartean, BBVAk lan-birmoldaketa sakon eta gaiztoa aurrera darama. Bankuko lanen azpikontratazioak bultzatzen ari dira, langileen lan-baldintzak okertuz eta prekarietatea eta soldata eskasak areagotuz. Bilbaoko Serbitzu Zentralak deuseztatzen ari dira. Cosme langilearen kasuan bezala, Gran Via 1ko edifizioan zegoen amiantoz kutsatuta hil delarik, bankuak ez du ardurarik onartzen. Euskal kulturarekiko eta euskararekiko ez du inolako interesik eta gorrarena egiten du, …. 

·      Guzti honengatik BBVAren bilkura hau NON GRATAtzat hartzen dugu, BBVAko zuzendaritza diruzale ardurabakoak direla uste dugu, eta Euskalduna Jauregi ingurua "Gizadiarentzako arrisku handiko eremua" deklaratzen dugu martxoak 11 honetan.

 

Gainera, arduragabekeria horretaz harro daude. Banan-banako ardura eta merituaren ideologia saldu nahi digute. Baina gezurretan ari dira, eurak baitira krisi egoera hau sortu duen finantza espekulazioaren globoak eztanda egin arte puztu dutenek baina orain ez dute inolako ondoriorik pairatzen. Ardurabakoak !!!.

 Finantza jarduera beharrezkoa da eta ekonomia sendo baten ardatza izan dadin nahi dugu, baina beti ere guztion oinarrizko premiak betetzea lehentasuna izango duen ekonomia. Eta hau oso gauza serio eta garrantzitsua esku zitaletan uzteko, kontrol barik jarduten ari diren potere eta diru gose aseezina dutenen eskuetan, finantzar jarduera euren kasino partikularra bihurtu duten eskuetan uzteko. Interes publikoa interes pribatuen gainetik egon behar da. Horregatik, Bankaren kontrol publikoa aldarriktzen dugu, ORAIN !!!.

 
 

Bilbon, 2011ko martxoaren 11n

AZKEN ALBISTEAK | ĂšLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu Iruñean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek Iruñeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.