2026-11-19
HomeIndustriaMetalgintzaArcelor Sestaoren itxierak 1.000 langile baino gehiagori eragingo die

Arcelor Sestaoren itxierak 1.000 langile baino gehiagori eragingo die


LABentzat ArcelorMittal-ek Sestaon duen lantokia era mugagabean ixteko hartutako erabakia oso larria da, batez ere bertako lan karga Asturias eta Frantziako lantokietara eramateko asmoa duela jakinarazi duenean. Hori gauzatzen bada, deslokalizazio kasu argi bat litzateke. Argi geratu da Sestaoko langileen langabeziarean kontura Arcelor Mittaleko irabaziak haunditu nahi dituztela. LABen kalkuluen arabera erabaki honek 1.000 langiletik gora kaltetuko lituzke.

Beste behin ere, multinazional honek, langile, instituzio eta eskualdeari bizkarra eman die, urte luzez diru laguntza haundiak jaso dituen arren.

Egoera ez da berria Arcelorren: Azken 3 urteetan Euskal Herriko 3 lantoki isteko mehatxua egin du: Zumarraga, Agurain, eta orain Sestao. Zein izango da hurrengoa? Mehatxua eta inposaketa nagusi den lan harreman ereduaren islada da hau, Arcelorrek zehatz mehatz ezarzten duen ereduarena.

Atzo jakin genuen albistea konfirmatzen bada, 335 langile eta beti ahaztu ohi diren azpikontratatutako langileez gain, beste lan zentro batzuei ere eragingo die. Hain zuzen ere duela gutxi Arcelorrek erosi dituen eta oso egoera kezkagarrian dauden Legutioko Condesa Fabril, eta Lesakako Condesa Zalainek ekoizpenaren zati haundi bat Arcelor Sestaorentzat egiten dute. Hortaz, Arcelor Mittali lantokien etorkizuna eta bertako lanpostuak bermatzeko bideragarritasun plana aurkeztea exijitzen diogu. Guztira LABek 1.000 langile baino gehiagori eragingo diela neurriak aurrikusten du.

Pasa den Abenduan altzairugintza sektorean bizi den zihurgabetasun egoeraren aurrean, (Arcelor, Gerdau, Condesa, Laminaciones Arregui…) instituzioei orohar baina bereziki Eusko Jaurlaritza eta Nafarroako Gobernuari Euskal Herriko altzairugintza sektorearen mahaia osatzeko deialdia egin genien enplegua eta sektorearen etorkizuna babesteko. Mahai hori lehenbailehen osatzea exijitzen dugu.
 

 

 

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.