Datorren 6tik 10ra Araba mailan Ostalaritzan deituta zegoen GREBA hasi baino bi egun lehenago UGT eta CCOO sindikatuak aurreakordio batera heldu dira patronalarekin eta greba bertan behera utzi dute. LABek ostalaritzako langileen baldintzen atzerapausu berri baten aurrean gaudela salatu du.
Aurreakordio eskasa Arabako Ostalaritzan
«Datorren 6tik 10ra Araba mailan Ostalaritzan deituta zegoen GREBA hasi baino bi egun lehenago, eta patronalaren deia jaso ondoren, astelehenean, otsailak 4an, UGT eta CCOO sindikatuak aurreakordio batera heldu dira eta greba bertan behera utzi dute.
Aurreko urteetako negoziaketetan erabilitako maniobra berbera errepikatuz, UGTk eta CCOOek, deituta zegoen greba baino egun gutxi batzuk lehenago, konfrontazioa eta borroka alboratu dute eta hitzarmen eskas bat sinatu dute egun batetik bestera. Greba borroka tresna bezala gutxietsi dutelarik. Ezin da tori eta tati egin behin eta berriz.
Aurreakordioaren arabera, soldatak izoztuta egongo dira 2014. urte arte (2010. urteko soldatak), ultraaktibitatea urte batera mugatzen da, eta hitzarmenaren deskuelgeen aurrean eta aldeen desadostasunen aurrean PRECOra jotzea adostu dute.
Beraz, atzerapauso berri bat ostalaritzako langileen baldintzetan, eta eros ahalmenaren galera bat suposatzen duten soldatak; hau da, langileen pobretzea. Datozen egunetako erredakzioaren zain gaudela, iaz Madrilek inposatu lan erreformaren hainbat gaiei ez zaie aurre egiten. Hala nola urteko lanaldiaren %10ko malgutasuna, eta herrialdeko hitzarmena enpresa guztientzat gutxieneko izaera izatea.
Hori gutxi balitz, medioen bitartez jakiten dugu ordu batzuk lehenago sindikatu hauek alkatearekin bilduta egon direla, gainontzeko sindikatuekin kontatu gabe. Zertaz aritu ziren? Zeren truke sinatu dute akordioa?»
{module[111]}
