2024-02-27
HomeEkintza SindikalaLABek mobilizazio dinamika abiatuko du Nafarroan negoziazio kolektiboaren defentsan

LABek mobilizazio dinamika abiatuko du Nafarroan negoziazio kolektiboaren defentsan

Otsailaren 7tik martxoaren 7ra, ostegunero CEN patronalaren parean ekimen ezberdinak egingo ditu LAB sindikatuak negoziazio kolektiboaren defentsan. Bihar, otsailak 7, arratsaldeko 16:00etan elkarretaratzea izango da Merkataritzako Hitzarmen duinaren defentsan.

Hitzamenen egoera irudikatzen duen kartela.CEN Nafarroako patronala PP-UPNk inpostautako lan erreformaz baliatzen ari da langileen kontra, kaleratu, txantaia egin eta lan-baldintzak murrizteko. Orain arte, LABek behin eta berriz proposatu die gainontzeko sindikatuei herrialdeko hitzarmenen defentsan elkarrekin borrokatzea, baina, sektore gutxi batzuetan izan ezik, entzungor egin diote geure proposamenari.

Areago eta gehiago, UGT eta CCOOek men egin diote patronalaren estrategiari, erosteko ahalmenaren galera onartuz eta hitzarmenen blindajeari uko eginez, Metalean ikusi dugun bezala. Hitzarmen askok urte honetako uztailean galduko dute bijentzia eta beste hainbat urtearen amaieran, horregatik premiazkoa da mobilizatzea. Ildo honetan, herrialdeko hitzarmenak eta negoziazio kolektiboa defendatzeko kanpaina bat martxan jartzea erabaki dugu.

Alde batetik, lantokietan eta maila sozialean egoera larri honen inguruko informazioa zabalduko dugu.

Bestetik, CEN patronalaren egoitzaren aurrean mobilizatuko gara, ostegunero-ostegunero, otsailaren 7tik martxoaren 7ra:

• Otsailak 7, Merkataritza. 16:00etan.
• Otsailak 14, Metala. 19:00etan.
• Otsailak 21, iraungitako hitzarmenak (Zurgintza, Merkantziak, Bidaiariak, Bulegoak, Ileapaindegiak…). 19:00etan.
• Otsailak 28, Garbiketa eta Ostalaritza. 19:00etan.
• Martxoak 7, herrialdeko hitzarmenik gabeko sektoreak (Hirugarren Adina, Interbentzio Soziala, Kimikak, Saltoki Handiak, Lorezaintza…). 19:00etan.

Mobilizazio hauetan parte hartzea eskatzen diegu langile guztiei, sektore batekoak nahiz bestekoak izan, denon arazoa baita eta denon artean borrokatu behar dugu.

Deialdi berezia egiten diegu sektore bakoitzeko langileei, dagokien egunean bereziki parte har dezaten. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.