Garbialdi enpresakoak diren ESI Arabako Osasun Zentroetako garbiketa zerbitzuko langileek Osakidetzako ESI Arabako zuzendaritzari zuzendutako premiazko bilera eskaera bat erregistratu dute Txagorritxuko Ospitalean, baita ere eseraldi bat egin Garbialdik ezarritako murrizketak salatzeko eta bilera eskaera horren garrantzia nabarmentzeko. Bada, protestak emaitzak eman ditu, eta lortu dugu bilera gauzatzea. ESI Arabako finantzetako zuzendaria eta langileen kudeaketa arloko zuzendaria aurkeztu dira.

Garbialdi enpresakoak diren ESI Arabako Osasun Zentroetako garbiketa zerbitzuko langileek eserialdia egin dute Txagorritxuko ospitalean, Gasteizen, administrazioko bulegoetan, Osakidetzako ESI Arabako zuzendaritzarekin premiazko bilera bat izateko asmoz.

Bilera eskaera hau, aldebakarrez Garbialdik hartutako erabaki larri baten ondorioz dator, zeinaren arabera goizeko txanda kendu eta Gasteizko ia Osasun Zentro guztietan zerbitzu orduak murriztu nahi dituen. Murrizketa honen aurrean, langileak ez dira geldirik egongo, eta datozen egunetan mobilizazio egutegi bat adostuko dute.