2024-07-14
HomeZerbitzu PublikoakOsasungintzaArabako Osakidetzako biltegien pribatizazioa gelditu izana poztekoa da

Arabako Osakidetzako biltegien pribatizazioa gelditu izana poztekoa da

Julian Pérez Gilek gidatzen duen Osakidetzako jarduneko Zuzendaritzak erabaki berri du "Arabako bilketa eta horniketako plataforma logistikoa" deiturikoa momentuz ez burutzea. Egitasmo honen helburua Osakidetzak lurralde honetan dauzkan biltegien pribatizazioa baino ez da, beti ere orain arte osasun publikoa negozio bihurtzeko jorraturiko bideari jarriki.

Langileon mobilizazioei esker, Osakidetzako zuzendaritzak egitasmoa hurrengo zuzendaritzaren esku uztea erabaki du, hau da EAJren esku. Egitasmoaren berri zabaldu bezain pronto langileek mobilizatzeari ekin zioten: kontzentrazioak eta ordubeteko 2 lanuzte Txagorritxu eta Santiago Ospitaleetan. Izan ere, gaur bertan burutzen ari da bigarren lanuztea oso modu arrakastatsuan.

Berriro ere argi dago bide bakarra borroka dela eta gaur egun langileon mobilizazioa inoiz baino garrantzitsuagoa dela lan-eskubideak eta lanpostuak defendatze aldera eta baita kalitatezko osasun sistema publikoa ere. LABek pribatizazioen kontra eta zerbitzu guztien errebertsioaren aldeko borrokan jarraituko du.

 

 

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.