Intersindikalak proposamen bateratua egin zuenetik 5 hilabete baino gehiago pasa direnean, SEAk eta upategiek erantzun gabe jarraitzen dute.
Bada denbora Arabako Ardogintzako sektoreko mahai negoziatzailea osatzen dugun sindikatuak lankidetzarekin hasi ginela sektore honetan lan egiten duten langileek merezi duten hitzarmena lortzera bidean. Horrela, LAB, UGT, CCOO eta ELA sindikatuok osatzen dugun Intersindikalak maiatzean proposamen bateratua egin genuen, Upategien eskaerari erantzunez. Tamalez, erantzukizunetik egindako mugimendu honi, Upategiek eta SEAk arduragabekeri handienaz hartu dute: ez dago erantzunik.
Uztailean, patronalak azken momentuan bertan behera utzi zuen bilera bat, argudiatuz denbora gehiago behar zuela upategiekin kontrastatzeko. Baina, hori egitetik urrun, ez du ez mahaia berriro deitu, ezta Intersindikaletik berriro batzeko egindako deiari erantzunik eman.
Sektorea uda aurretik hasi sen mobilizatzen, elkarretaratzeak eginez eta eskualde osoan pankartak jarriaz. Gainera, irailaren 13an Kripanen egindako Mahats Bilketaren jaialdian egon ginen, negoziazio prozesu falta eta Upategien jarrera kritikatzeko.
Horrela, SEAren eta Upategien errespetu falta honen aurrean, Intersindikalak mobilizazioetan aurrera pausua ematea adostu dugu, txoko guztietara eramateko Arabako Ardogintzan lan egiten duten pertsonen aldarrikapenak. Hori dela eta, Batzar Nagusietan sozializazioarekin hasiko gara datorren azaroaren 5ean, non ordezkaritza batek lehen eskutik azalduko dien negoziazioren eta sektorearen egoera berau osatzen duten indar politikoei. Upategiak milioika euro publikoz ureztatzen direnean, ezin ditugulako ahaztu mahatsa ardo bilakatzen duten pertsonen lan baldintzak.
Jarraian Arabar Errioxatik kotxe karabanak burutuko ditugu. Eta abenduaren 5ean Gasteizeko Ardoaraba jaialdira hurbilduko gara, inork ez dezan ahaztu ardo trago bakoitzaren atzean dagoen lana. Baina hau ez da hemen geratuko, eta Legebiltzarrean ere agerraldia prestatzen ari gara. Are gehiago, Upategiek eta SEAk ez badiote sektorearen aldarrikapenei erantzuten eta negoziazio mahaiak merezi duen errespetuz hartzen, mobilizazioan sakontzen jarraitzeko prest gaude. Lan uzteak eta grebak barne.
Aitzakia gehiagorik ez. Arabako Ardogintzako sektoreak negoziazio prozesu erreala merezi du ya. Sektoreko langileek beren esku dagoen dena egin dute aurtengo bilketa zaila aurrera ateratzeko. Oporrak bertan behera uztea, jardunaldi amaigabeak… Dena, mahatsa galdu ez eta duten kalitateagatik hain ezagunak diren gure ardoak lortzeko. Baina argi izan behar dugu ere: sektoreko lan baldintzak hobetu gabe jarraitzen badute, eta sektorearen aldarrikapenak erantzun gabe jarraitzen badute, langileek ez dute beste sektore batzuetara lanera joateko baino beste erremediorik izango. Ezin da izan aberastasunaren banaketa hain desberdindua betikotzerik. Upategiek dirutza irabazten jarraitzen dute, baina nahiko luketena baino gutxiago. Bitartean, sektoreko baldintzak izoztuta daude. Inflazioa gorantza doanean kontrolik gabe, erosketa otarra betetzea edota hilabete amaierara iristea geroz eta zailagoa den honetan, ez dugu onartuko ehunka langileren ahotsei muzin egitea.
Bukatzeko, sektoreari hurrengo azaroaren 11ean egingo den Greba Orokorrean parte hartzeko deia luzatzen diegu, eta deituta dauden mobilizazio ezberdinetara hurbiltzera animatzen ditugu. Bete ditzagun kaleak etxebizitza eskubidearen alde eta soldata duinak eskubidea izan daitezen, eta ez pribilegioa.
Parean izango gaituzte, langileek behar eta merezi duten hitzarmena lortu arte!