EuskoTreneko batzorde iraunkorrak bertan behera utzi du azaroaren 9rako deitutako elkarretaratzea. Hain zuzen ere, enpresak Amarako greba batzordeko kideei zabaldutako zigor txostenak artxibatu ditu, eta, horrenbestez, biharko, 10:30etik 11:30era, Easo plazan aurreikusitako bilkura ez egitea erabaki dute langileek.

EuskoTreneko batzorde iraunkorrak behin eta berriro salatu du grebara deitzeko topatu dituen trabak. Lan uzteak bertan behera utzi behar izan ditu enpresaren mehatxuek sortutako ziurgabetasunagatik. Hain justu, enpresak zigor txostenak irekitzea erabaki zuen, grebak legez baldintzak betetzen ez zituelakoan. Biharko elkarretaratzea erabaki hori salatzeko zegoen deituta.

EuskoTreneko langileak borrokan daude hainbat arrazoiengatik; besteak beste, zuzendaritzak proposatutako lan taldearen handitzea nabarmen eskasa delako, irailaren 12a aurreko lan baldintzak zein asteburuetako libratze kopuruari eusteari dagokienez.