2024-06-25
HomeEkintza SozialaEkosozialismoaAlternatiben aurrean, indarkeriaren bidez defendatzen du bere eredua EAJk

Alternatiben aurrean, indarkeriaren bidez defendatzen du bere eredua EAJk

LAB sindikatuak Zutik Gipuzkoa ekimena babestu eta EAJren inposaketa jarrera salatu nahi du. Beste behin ere, indarraren monopoliaren erabilera eginez, inposatu nahi diguten ereduaren oposizioa Gipuzkoa plazatik desalojatu du EAJk, horretarako bere poliziak erabiliz.

Osasunaren, pertsonon, langileon eta ingurumenaren alde, maiatzaren 29an etxera ez joatea erabaki zuten gipuzkoar askok. Langileok ere presente egon ginen bertan. Gaur arratsaldean, LABeko ordezkari bat Gipuzkoa plazan izatekoa zen, errauskailuaren aurreko alternatiben inguruan hitz egiteko, baina oposizioa ikustezin bihurtu nahi dutenek ezinezko egin dute.

Lehenik eta behin, horrelako jarrerek, argi erakusten dute, indarrean dagoen eredua defendatzen dutenek ez dutela oposiziorik onartzen. Beraz, lehenik eta behin, demokrazia da aldarrikatu eta defendatu nahi duguna. Bigarrenik, beraien ereduak, gaixotasunera, kutsadurara eta miseriara garamatza, eta langileok ez gaude hori onartzeko prest. Ez dugu onartuko aberastasuna gero eta esku gutxiagotan kontzentratzea, gure lan eta bizi baldintzak gero eta prekarioagoak izatea, herri honetako baliabide naturalekin bukatzea, gure aurrezkiak gorde ditugun kutxak banku pribatu bihurtzea…

LABek Gipuzkoa Zutik ekimenak deitzen dituen erantzun mobilizazioak eta bestelako ekimenak babestuko ditu, eta langileei eta orokorrean gipuzkoar jendarteari parte hartzera dei egiten dio.
 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.