LABentzat ondorio larriak izango lituzkeen akatsa izango litzateke filtrazioen gaia sekretuak jakinaraztearen delitu bakar batera murriztea. Ez dugu konpartitzen elementu diskordante batzuek mundu guztia alde batera utziz jarduten zutenaren ideia. Alderantziz, ziur gaude Osakidetzako zuzendaritza izan dela filtrazioak bermatzeko estrategia eraginkorra diseinatu duena, baita bere inpunitatea ere. Zuzendaritza hori izan da kezko gortinak sortu dituena praktika ustel hori ezkutatzeko.
Gure ustean, EPEaren diseinu eta plangintzak, besteak-beste, jarduera feudal irregularrak iraunarazteko helburua dute, zuzenbidezko estatu batean tokirik ez duten praktikak. Harrigarria da ere zuzendaritzaren inputazioa eskatzen duen akusazioaren alde bakarra LAB izatea.
Eremu publiko eta pribatuaren arteko desberdintasuna ezinbestekoa da. Eremu publikoko kontratazioa berdintasun, merezimendu eta gaitasun printzipioetan oinarritu behar da, eta ezein epaimahaik ez luke onartu behar irizpide edo kidetasun pertsonalen zein politikoen arabera taldeak modu irregularrean eratzea.
Instrukzio fasearen helburua gertakariak argitzeko elementuak biltzea da, eta egileak identifikatzea. Hasierako salaketatik hiru urte baino gehiago pasa ostean, argitu beharreko hainbat zalantza daude eta haien artean nabarmentzen da jakinarazi berri den autoan erantzunik eman ez izana EPEari gardentasun-itxura emateko antolaketari, Osakidetzak EPE honen erabateko kontrol geroratua zuen arren.
Epaitegiak gertakariak argitzeko ezinbestekoak diren hainbat ate itxi nahi izatea berri txarra da, dagokion helegitearen bitartez zuzentzen saiatuko garena.