Miñanon dagoen Albertia egoitza Grupo La Saleta Care Armonea Taldeak hartu du duela gutxi. Enpresa berri honek sukaldeko lan taldea osatzen zuten 4 kideetatik 3 kaleratu zituen ekainaren 11an. Egoitza honek guztira 93 plaza ditu, hauetatik 54 Gizarte Ongizate Foru Erakundearekin kontzertatutako oheak dira.
Pertsona hauek kaleratzeko La Saleta Care Armonea Enpresak pertsona horiek aukeratu ezin izatearen argudioa eman du. Kaleratuak izan diren pertsona hauek egoitzaz kanpoko ostalaritzako langileak ziren, 2012. urtetik bertan lan egiten zutenak. Ekainaren 1an enpresa berriak subrogatu egin zituen, eta handik 10 egunetara kaleratu egin ditu argudio hutsal hauekin.
Argi daukagu kaleratze hauen egiazko arrazoia lan baldintzen prekarizazioa dela. Langile berriei Egoitzetako Hitzarmen Estatala aplikatuko baitzaie. Kaleratuak izan diren langileei, subrogazioaren ondorioz, aplikatu ezin zieten hitzarmena.
Egoera larri honen aurrean, Enpresa Komiteak langile hauen berehala berronartzea eskatzen du.