2024-04-12
HomeZerbitzu PublikoakGarraioaAkordioa lortuta, bertan behera geratu dira Loiuko aireportuko grebak

Akordioa lortuta, bertan behera geratu dira Loiuko aireportuko grebak

Greba batzordeak langileen asanbladara eraman du gaur enpresaren azken proposamena, AENAko zuzendaritzarekin egin duen bileraren ondoren. Madrilgo ordezkaritza bat ere bertaratu da. Langileen asanbladak erabaki du gutxieneko proposamen bezala onartzea enpresaren eskaintza hau, etorkizunari begira enpresaren lehentasuna enplegua izan behar duen aro baterako oinarriak jartzen dituena. Langileen %77,5ak baiezkoa eman dio proposamenari, %7,5ak ezezkoa eta %15a abstenitu egin da. Ondorioz, greba bertan behera geratu da greba.

Jarduera esparru ezberdinetan lan-taldeak handitzea dakar berarekin akordioak, kudeketan zein arlo operatiboan. Gehien indartuko diren arloak bidaiariei arretakoak, kudeaketa, aire-nabigazioa eta prebentzio zerbitzua izango dira. Konpromiso gehigarriak hartu dira datozen urteetarako plan estrategikoei lotutako beste esparru batzutan. Hauek, Ogasun Ministerioak enplegu gehigarria onartzen duenean zehaztu beharko dira.

Segurtasun arloan, bereziki suhiltzaileei dagokienenean, desadostasunak jarraitzen du eta batzorde paritarioa osatuko da lan-taldearen inguruko beharrizanak aztertzeko. Zentroko batzordeari sinestezina iruditu zaio AENAk konpromisorik ez hartzea bidaiarien segurtasunerako hain garrantzitsua den arlo batean, bereziki lindane zelda hor dagoela kontuan izanda.

Greba batzordea ahobatez dago akordio honen defentsan, baina AENA ohartarazten du aireportuko arazoei aurre egin behar zaiela, enplegua eta beste gai batzutan, normaltasun klima batetik.

Greba batzordearen iritziz, mobilizazioa funtsezkoa izan da arazoari aurre egiteko eta zuzendaritzari eskatzen dio etorkizunari begira izan dezala kontutan, alda dezala jarrera eta normalizatu ditzala lan harremanak, azken urteotako autoritarismo garaia gaindituko duena.

Greba batzordeak, langileen defentsarako batasun sindikalaren aldeko prozesu honetan zehar langileek emandako mandatuarekin jardu du, eta langileen artean egondako batasuna aitortzen du.

Azkenik, greba batzordeak prozesu honetan zehar kanpoko eragileek egiten duten lana eskertu nahi du, besteak beste, komunikabideetako profesionalena.
 

 

 

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.