P. T. R., 57 urtetako Sukarrietako langilea hil da Mungiako Lamincer enpresan. Femwick batek harrapatu, eta zauritua izan ondoren hil da. Lehenik eta behin, LABek bere elkartasuna eta babesa erakutsi nahi die gaur hildako langilearen lankide, familia eta ingurukoei. LABen datuen arabera, gutxienez 28 dira urte hasieratik Euskal Herrian lanean hildakoak, horietariko 9 Bizkaian.
Hilabete hasieratik Euskal Herrian hiltzen den 3. langilea da, ematen du berriro gaudela istripuen udako gorakadaren aurrean, Euskal Herrian astean langile bat hiltzera eramaten duena. Gure ustez, igoera hau, gainontzeko lan-istripuak bezala, ez da kasualitatearen ondorio.
Datorren astelehenean, uztailaren 22an, enpresa-batzordeak 24 ordutako lanuztea deitu du. 10:30etik 11:30era kontzentrazioa egingo dute enpresa aurrean.