Gaur, irailak 30, Bizkaiko merkataritzako hitzarmenen luzapenak amaitzekoak ziren. Arratsaldean eginiko bileretan, elikagaien merkataritzako hitzarmenean akordioa lortu da LAB, CCOO eta UGT sindikatuen eta CECOBI patronalaren artean. Akordio horrek LABek ezarritako gutxienekoak betetzen ditu.
1. Madrildik inposatutako erreformari aurre egiten dio, zenbait klausulen bidez galga jarriz.
2. KPIa erreferentzia mantentzen duten soldata igoerak.
3. Hitzarmenak jada jasotzen zituen edukietan atzerakadarik ez da emango.
Merkataritza orokorreko hitzarmenari dagokionez osteguna bitarteko luzapena sinatu da, soldata gaietan akordioa lortzeko helburuz.
Gainerako hitzarmenetan (ehun, altzari, metal, larru eta oinetako merkataritza) ez da akordiorik lortu, hitzarmen horietan gehiengoa ELAk baitu.
Bizkaiko elikagai merkataritzako hitzarmenaren sinadurarekin argi geratu da Madrildik datorren inposaketa oro geratu egin daitekeela eta herrialdeko hitzarmenak mantendu, sektore bereko langile guztiontzako gutxieneko zoru gisa.
{module[111]}
