2023-12-10
HomeLAB Sindikatua9. Biltzar NagusiaAinhoa Etxaide: "Feminismoak eman dizkigu sindikalgintza berria eraikitzeko erantzunak"

Ainhoa Etxaide: “Feminismoak eman dizkigu sindikalgintza berria eraikitzeko erantzunak”

Martxoaren 8a da gaur, emakume langileen nazioarteko eguna. LABeko emakumeok solasaldi bat egin dugu sindikalgintzak eman beharreko eta LAB konkretuki ematera doan urrats feministaz gogoeta egiteko, maiatzaren 25 eta 26an egingo dugun 9. Biltzar Nagusiaren testuinguruan. Gasteizen izango da hitzordu garrantzitsu hori, eta Gasteizen bildu gara gaur ere.


Hain zuzen ere, sindikatuko idazkari nagusi Ainhoa Etxaidek, Zeharlerro Politiketako idazkari Izaskun Garciak eta Emakume Idazkaritzako kide Eli Etxebarriak eta Maite Barreñak hartu dute hitza batzarrean.

Etxaidek nabarmendu du Biltzar Nagusiak garai berri bati bide emango diola, eta prozesu hori guztia feminismotik eraikitzen ari garela: “Ariketa hau ongi egiteko feminismotik egin behar genuen. Sindikalgintza berritzeko feminismoa dugu ardatz. Feminismoak eman dizkigu sindikalgintza berria eraikitzeko erantzunak”. LABeko idazkari nagusiak berretsi du “bizitzaren sostengarritasuna erdigunean” jartzea dela apustua, eta sindikatuak langile klasea batzeko, antolatzeko eta aktibatzeko tresna izan behar duela azpimarratu du.

Eli Etxebarriak kapitalak eta merkatuak sortutako bidegabekeriarekin amaitzeko garaia dela aldarrikatu du. “Kapitalak ez ditu bakarrik lanarekin sortutako balore gehigarriak bereganatzen, emakumezkoek egindako doako lanak ere beretzat hartzen ditu, aitortza sozial eta ekonomikorik egin gabe”, esan du. Zentzu honetan, lanaren definizioa zabaldu behar dela nabarmendu du: “Lana esaten dugunean enpleguaren ideia daukagu buruan, eta horrek zaintza lan guztiak ezkutatzen ditu. Enplegua baino harago badago lana. Lan horiek ikusgarri egin behar ditugu: nork egiten dituen, zein baldintzetan eta nola kapitalismoak bereganatzen dituen, aitortzarik egin gabe ”. Kapitalismoak bizitza erasotu egiten duela salatu du: “Sistema honetan bizitzea ez da posible, edo posible da, baina gutxi batzuentzat eta besteen bitartez”. Hau guztia esanda, LABek ekintza sindikal sozial integral bat aurrera eramango duela azpimarratu du: “Sindikalismoa egiteko beste modu bat da”. Lanaren eta langile subjektuaren izaera zabaldu, publiko eta pribatuaren arteko dikotomia apurtu, zaintzaren garrantzia aitortu erantzukizun sozial gisa… hauek lirateke oinarrietako batzuk.

Hala, sindikatuaren apustua jauzi kualitatibo bat dela esan dute guztiek, eta balio feministetan oinarrituko direla jakinarazi dute.

Gaurko topaketa 9. Biltzar Nagusiaren harira antolatutako solasaldi zikloaren barruan antolatu dugu. Andoainen ekin genien hitzaldiei, eta burujabetza eta aldaketa sozialari buruz aritu gara, besteak beste.


 

 

 

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.