Hilabete luzeak negoziatzen egon ondoren, maiatzaren 14an akordioa lortu zen enpresa-batzordea (LAB, ELA, UGT eta CCOO) eta Agoitzeko Siemens-Gamesako zuzendaritzak.
Akordio honeik Agoitzeko lantokirako lehen Enpresa-hitzarmena sinatu da, 2012ko lan erreformari aurre egiten dion hitzarmena. Lortutako edukitik honako edukiak nabarmendu nahiko genituzke:
• 3 urtetako indarraldia, 2018, 2019 eta 2020.
• Mugagabeko ultraaktibitatea.
• Hitzarmenaren aldebakarreko inaplikazioaren aurreko blindajea.
• Lanaldia: 12 ordutako jardunaldi murrizketa indarraldiko 3 urteetan.
• Kontratazioa: 2019ko abenduaren 31 baino lehenago aldi baterako 45 kontratu mugagabe bihurtzea.
• Soldata igoera: %2ko igoera 2018rako eta Nafarroako KPI erreala 2019 eta 2020rako.
• Ordaindutako baimenak: estaldura gehiago gehitzeaz gain zehazten da ordaindutako baimen guztiak lehen lan-egunetik hasiko direla kontatzen.
• Aldi baterako ezintasuna: Gizarte Segurantzaren estaldura hobentzen da gaixotasun arruntetik eratorritako aldi baterako ezgaitasun kasuetan, lehen egunetik 3.era %50ean osagarritzen da, bajako 4. egunetik 20.era %70 eta 21.etik 365.era %85ean.
• Prebentzio delegatuak: legezko ordezkaritzarik ez duten langileen artean izendatuko delegatuentzat, enpresa-batzordeetako kideentzat dagoen ordu-kreditu berdina.
• Laneko arropa: enpresa izango da laneko arropa garbitzearen arduraduna.
Negoziazio prozesu honen momentu guztietan zehar langileek erakutsi duten inplikazioa eta jarrera funtsezkoak izan dira berau lortzeko. Eta horrela izaten jarraitu beharko du etorkizunean aurrean aurkituko ditugun erronka guztiei arrakastaz heldu ahal izateko.
LABentzat lorpen nagusia da propioa den negoziaketarako tresna bat eskuratu dugula, gure lan-baldintzen negoziazioaren jabe izatea ahalbidetzen diguna gure eskubideen defentsa eta hobekuntzan aurre egiteko.
Hemen lan egiten dugulako, hemen erabaki behar ditugu gure lan baldintzak!