Urolako Kostako LABek protesta egin du Ibarmia Innovatek enpresaren kanpoaldean, Azkoitiako Etxesaga industria gunean, Adegiko ordezkarien bisita dela eta. Sindikatuak enpresan emandako urraketen errudun jo du patronala; hala nola, soldatak izoztu eta urteko jarduna igo izana. Ibarmiako zuzendari nagusi Koldo Arandia Adegiko lehendakariordea ere bada.  
 

Protesta atzo egin zuten, Adegi prekarietate eta estatalizazioaren errudun! Hemen lan eta hemen erabaki! leloarekin. Elkarretaratzea egiteaz gain, parodia bat egin zuten, patronaleko ordezkariak bisitan ziren bitartean.