LAB eta ELA sindikatuok 100 langiletik gorako elkarretaratzea egin genuen Iruñean, atzo arratsaldean, Lan Epaitegiaren aurrean, Garbiketetako Lan Hitzarmena negoziatzen zen bitartean. Elkarretaratzean lan hitzarmen duin bat aldarrikatu genuen, horretara iristeko oraingo negoziazioen norabidea hautsi eta edukietan jauzi nabarmena eman behar dela azpimarratuz. Hain zuzen ere, azken bost hilabeteetan negoziazio horietan aurrerapausorik egon ez denez, LABek eta ELAk plataforma bateratua eratu dgu, lan zentroetan elkarrekin borrokatzeko. Bide horretan, Garbiketetako langileei dei egiten diegu martxoaren 18an beste elkarretaratze bat egin dezaten, 10:00etan, Ospitalegunean, Vianako Printzea kontsultategiaren parean.