Rothenberger enpresako langileek mobilizazioa egin dute gaur ekainaren 25ean izan zen lan-istripua salatzeko.
ENPRESA-BATZORDEAREN OHARRA
Lehenik eta behin, istripua izandako langileari eta bere familiari gure babesa erakutsi nahi diogu.
Bigarren puntu bezala, enpresari neurriak hartzeko exijitzen diogu gertatu den istripuA berriz ere gerta ez dadin. Ez da lehenengo aldia gertaera izandako makinan horrelako halabear bat gertatzen dela, iraganean leherketak egon baitziren, zauriturik gabe. Gainera, era global batean, salatu nahi dugu makina guztiek duten inbertsio falta prebentzio arloan, horrek suposatzen duen arriskuarekin.
Gure iritziz enpresak ez du orain arte prebentzio arloan makinetan mantenurik egin. Enpresa bere irabaziak handitzeaz arduratu da lan osasuna alde batean utziz. Ondorioz, enpresa gertatutakoaren arduradun bakarra dela uste dugu, horregatik ardurak eskatzen dizkiogu eta lan-osasunean arloan aldaketa handi bat.