5 egun greba egin dituztenean beren hitzarmenaren berritzearen alde, Jaurlaritzak AERNNOVA taldeko enpresako honetako langileak ere kontuan hartzea eskatu dute.
Gasteizen dagoen Fibertecnic enpresako langileek gaur 5garren greba eguna dute haien hitzarmenaren defentsan. Aernnova taldeko enpresa kimiko honetan 165 langile inguruk egiten dute lan, eta greba egunen jarraipena oso arrakastatsua izaten hari da produkzioan, hau erabat etenda dagoelarik.
Negoziazioa maiatzan hasi bazen ere, 9 bilera burutu ostean ez dago aurrera pausurik. Enpresa tematuta dago kategorien progresioa okertzearekin, ez du inolako hobekuntzarik proposatzen eta, langileen adin batez bestekoa oso altua denean, ez du ezta ere errelebo kontratua bermatu nahi. Azken honek langileen erretiratze duina eta gazte-berritzea suposatzen, enpresaren etorkizuna sendotzeko.
Gauzak horrela, pasa den astean, Pradeles lehendakaria buru, Eusko Jaurlaritzak agerraldia egin zuen Aernnova taldeko buruekin, enpresaren errotzea eta kalitatezko enplegua aldarrikatuz. Fibertecnic-eko langileek gogorarazi nahi diote Gobernuari errotzea eta enpleguaren kalitatea langieen lan baldintzeko lotura zuzena duela. Horregatik, legebiltzarrera hurbildu dira gogorarazteko behargin hauek greban daudela, eta enpresari egiten ari zaion zuriketa honen aurrean, langileen baldintzak ez hobetzeko erabakia hartuta dutela salatzeko.
Azkenik, Enpresa batzordeak erabaki du azaroaren 5 eta 6 beste bi greba egun deitzea. LABetik adierazten dugu, negoziazioak ez badu aurrera egiten, borrokaren intentsitatea handitzearen alde egingo dugula.