2026-11-22
HomeBidalketak2012Gure eredu propioa aldarrikatzeko eguna

Gure eredu propioa aldarrikatzeko eguna


Gora Maiatzaren Lehena. LOTU borrokari!
LANGILEON EUSKAL HERRIA HELBURU

Martxoaren 29an Euskal Herri osoa irten zen kalera. Gure herriak hiru urtetan burutu duen laugarren greba orokorra izan zen.

Euskal langileria osoa antolatu egin gara, elkarrekin borrokatu dugu eta inposaketa, murrizketa eta erreforma gehiago ez ditugula onartuko erabaki dugu.

Maiatzaren Lehena argi eta ozen aldarrikatu dugun hori errespeta dadila exijitzeko eguna dugu.

Manifestazioak eskualdeka izango dira aurten, Gobernuetatik ezartzen ari diren neurri eta erabakiak pairatzen eta borrokatzen dituzten langile eta herritarrak bizi garen tokietan.



Segurtasunaren eta Lan Osasunaren nazioarteko eguna
Gure osasuna bermatzeko eredu propioa aldarrikatzeko eguna

Segurtasunaren eta Lan Osasunaren nazioarteko eguna ate-joka daukagun honetan Euskal Herrian langileen osasun egoerak okerrera egin du eta lan erreforma berriak langileriaren eskubideei eta langileen osasunaren narriadurari estutze berri bat besterik ez dio emango.

Inposatu nahi diguten eredu hau salatu beharra dago, gure eredu propioa aldarrikatu behar dugu. Apirilaren 27an Hego Euskal Herriko lau hiriburuetan LAB sindikatuak mobilizazioak iragarri ditu gure osasuna bermatzeko eredu propioaren alde.

Entzun gaitzatela ozen!


Apirilaren 27an
Donostia,10:30 Pio XII
Bilbo, 11:00 Confebask
Iruñea, 12:00 Gaztelu Plaza
Gasteiz, 12:30 Ama Zuria

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.