Dirudienez, froga horren edukiak filtratu egin ziren. Sindikatu batek notaritza batean gertakari horren konstantzia utzi zuen, eta gerora, baieztatu egin da horrela izan zela. Eginiko azterketa eta pertsona anonimoak emandako datuek bat zetozen guztiz.
Guzti honek, konfirmatzen bada, aparteko larritasuna dauka; epai-mahai batean egoteagatik probetxu ateratzeak suposatzen duen iruzurraz gain, pertsona askoren lan etorkizunarekin jolasten ari da.
LABen aldetik, parte hartzen dugun foro guztietan esan izan dugu: hautaketa prozesuetako epai- mahaiak kontrolatzeko mekanismoak ezarri behar dira, eta gardentasun gidaliburuak, fase guztien ibilbidea jakiteko irizpideak eta filtrazioak ekiditeko kontrol puntuak barnebildu behar dituzte.
Antza denez prozesu honetan mekanismo horiek ez dira behar bezala ezarri. Horrek auzitan jartzen du hornikuntza prozesu osoa.
Guzti honengatik, LABek eskatu du gertaturikoa argitzeko eta erantzukizunak garbitzeko urgentziazko ikerketa.
Halaber, Funtzio Publikoari berehalako azalpena ematea eta gertakari larri honen aurrean zein izango den jarraituko duten prozedura argitzea eskatzen diogu.