‘Bizi egunak’ dinamikak merkataritza, hiri eta kontsumo ereduari buruz gogoeta egitea bilatzen du, igandeetan egiten ari garen jardueren bitartez. Joan den asteburuan abiatu genuen ekimena, eta Iruñean izango du jarraipena datorren igandean.
Bilboko ‘Bizi egunean’, kontsumitzaileei informazioa banatu zitzaien goizean, Santutxuko Carrefour Expressaren aurrean. Hain zuzen ere, denda hau irekita egoten da jai egunetan, eta hori salatu genuen, igande eta jai egunetan irekitzeak ekartzen dituen ondorioak ezagutarazteaz gain.
LABen iritiziz, Administraziotik kontsumitzaileei zuzenduriko kontzientziazio eta informazio kanpainak bultzatzea beharrezkoak eta urjentziazkoak dira. Sindikatuak argi du zero irekiera babestu behar dela merkataritzan, igande eta jai egunetan. Era berean, Kontziliazio personal, familiar edota laboralerako eskubidea aldarrikatzen ditugu. “Merkataritzako sektorearen liberalizazioaren aurka gaude, enpresa handien mesedetan bakarrik delako, kalitateko enplegua suntsitzen duelako merkataritza minoristan eta gure herri eta hiriak aldatzen dituelako, bizirik gabe utziz”, adierazi dugu. “Hemen lan egin, bertan erabaki. Merkataritzako araudia eta nahi eta behar dugun kontsumo eredua hemen erabakitzeko gure gaitasunaren aurka estatutik datozen erasoak amaitzea behar dugu", erantsi dugu.

Santutxun egon ostean, Bilbo zaharrean egon ginen igandean, eta, bertan, hainbat jarduera gauzatu genituen, kontsumismoa eta eredu komertziala ardatz hartuta.
Igandean, Iruñean
Datozen ‘Bizi Egunak’ data hauetan izango dira: maiatzaren 13an, Iruñean; 27an, Donostian; ekainaren 3an, Gasteizen; eta ekainaren 17an, Hazparnen.