Muriba Construccion SL enpresako langileek kontzentrazioa egin dute IruĂąeko Rozalejoko markesaren jauregiaren aurrean. Adierazi dute obra hau, egiten ari diren gainontzekoak bezala, Nafarroako Gobernuak ordaintzen diola beren enpresari, eta honek hainbat hilabetetako soldatak zor dizkiela.
Ez dugu ulertzen egiten ari diren kudeaketa txarra, kontuan hartuta lan-bolumena badagoela, gure obren bezero nagusia Nafarroako Gobernua dela eta aldez aurretik saldutako etxebizitzak eraikitzen ari garela. Diru publikoa euren poltsikoetara sartzen ari bada, zergatik ez dizkie Muriba ConstrucciĂłn SLk langileei soldatak ordaintzen?
Nabarmendu nahi dugu ez gatozela bat langileak beldurtzeko, manipulatzeko eta engainatzeko moduarekin. Izan ere, enpresaren ordezkariak lanpostuetatik pasatu ziren hartzekodunen lehiaketa bat aurreratuz. Azken hau, batetik, ez zioten delegatuari bilera batean modu ofizialean jakinarazi, eta, bestetik, langileen beharrizanekin jolastu nahi zuten, hauek beren lanpostuak utzi eta alde egin zezaten, horiekin zuten zorra aurreztuz.
Honen aurrean, LABen argi dugu egoera salatuko dugula. Gure lanpostuen defentsaren alde, borroka juridikoa egingo dugu, eta agerian utzi nahi dugu honi darion kiratsa.
Gaurko kontzentrazioa ez da egingo dugun azkena izango, eta langile guztiak, eta bereziki eraikuntza sektorekoak, mobilizazioetan parte hartzera animatzen ditugu.