Jai eguna da gaur Iruñean, azaroaren 29aren etorrerarekin. Bada, jai egunetan irekitzearen aurkako ekintza egin du LABek Arrotxapea auzoan, Simply-Sabeco supermerkatuan.
LABen arabera, jai egunetako irekierekin ezinezkoa da bizitza laborala familarekin edo aisiarako denborarekin uztartu, merkataritza zentru handien onurako baino ez da. Neurri honek denda txikiak kaltetu egiten dituela salatu du sindikatuak: "Gehiegizko kontsumoa bultzatzen du. Ordutegi komertzialak jada nahiko zabalak dira erosketak egin ahal izateko. Honengatik, erosleei dei egiten diegu jai egunetan ez erosteko, merkatari txikien itxieran eta egun hauetan lan egiteko behartuak gauden langileen prekarietatean ez laguntzeko".