Gaurko bileran UGT, CCOO eta patronalak azken honen neurrirako hitzarmen bat adostu dute.
Ostzegun honetan, LABek Nafarroako sektoreko delegatuen batzarra egingo du, eta, honen ondoren balorazio sakonago bat egingo badugu ere, garrantzitsua iruditu zaigu, gaurkoan, urgentziazko balorazio bat egitea.
Azpimarratu behar dugun lehendabiziko puntua soldatarena da. UGTek eta CCOOk modu triunfalista batean zabaldu badute ere, esan beharra dugu ez dela inondik inora nahikoa sinatutako soldata igoera. Alde batetik, ez duelako eros ahalmena bermatzen, eta, bestetik, ez delako hau hobetzeko inongo borrokarako asmorik adierazi, eta ziur gaude hitzarmena sinatu duen gehiengo sindikal horrek mahaiko beste sindikatuekin batera mobilizatzeko prest egon izan baziren azkeneko akordio hau hagitzez hobea izanen zela.
Eta, tamalez, azpimarratu behar dugun bestze puntua atzera pausuena da. Malgutasuna handitzeaz gain, hau erabiltzeko prozedurak modu nabarmenean erraztu dira, langileak babesgabetasun egoera batean utziz.
Hitzarmen honetan garbi gelditu da zein den borrokari uko egitearen emaitza. LAB beti atzera pausurik gabeko eta eros ahalmena bermatzen duten hitzarmenak sinatzeko eta borrokatzeko prest aurkituko dute.