Elkarretaratzea egin dugu Bilboko Otxarkoaga auzoan, Aburto alkatea buru egindako ekitaldi instituzional baten aurrean. UTE TALUDES BILBAOko langileen greba eskubidearen urraketa salatu dugu.
Hain zuzen ere, LABek salaketa jarri die Bilboko Udalari eta URBASER s.a eta CYCASA s.a enpresei 175.000 euroko kalteordainak galdeginez, Bilboko UTE TALUDES BILBAOko langileen grebarako eskubidea urratzeagatik.
Bi urtez enpresa-hitzarmenaren mahaian akordio batera iristeko emaitzarik izan ez duten negoziazioen ondoren, UTE Taludes Bilbaoko langile guztiek hilabete osoko greba hasiko dute uztailaren 18tik aurrera, hitzarmen honen indarraldia 2020ko abenduan amaitu zenetik negoziazio kolektiboa desblokeatzen saiatzeko.
2022ko urtarriletik aurrera astean behin egun bateko lanuzte jarraituen ondoren, akordio batera iristeko asmoak ez dira nahikoak izan sektoreko gainerako enpresekin dituzten alde handiak arintzeko, bai soldatari dagokionez, bai lanaldiari dagokionez. Enpresari eta Bilboko Udalari erreklamatzen diete %12 eta %22 gutxiago kobratzen dutela, sektore bereko gainerako enpresekin alderatuta.
Bilboko Udala, Urbaser SA eta Cycasa s.a , UTE Taludes Bilbaoko enpresetako arduradunek, UTE Taludeseko langileek greba burutuko dutela jakin ondoren, Urbaser eta Cycasa enpresen eta Bilboko Udalaren arteko barne-posta batean egiaztatu ahal izan zen Bilboko Udala bi enpresei presioa egiten ari zaiela lanak ahalik eta gehien aurreratzeko (delako lanak normalean baino arinago egiten diren datak aurreratuz), Aste Nagusirako kendu behar dituzten hiri-altzari guztiak kentzeko langileen greba egiteko eskubidea urratuz. Lan horiek aurrera eramateko ez dituzte zalantzak izan eta beste enpresa baten zerbitzuak azpikontratatu dituzte.
Egoera hori Lan Inpekzioan salatu ondoren, Urbaser eta Cycasa enpresek langileekin egindako eskirolajeagatik langile horiek erretiratu behar izan dituzte, eta, berriro ere, baldintza horietan akordioa lortzeko aukera eten egin dute.
LAB sindikatuak UTEko langileen eskubideak urratzen ari direla salatu nahi du, eta Urbaser SA eta Cycasa SA enpresei eta Bilboko Udalari 2020ko abendutik pairatzen ari diren egoeri amaiera emateko eskaera luzatzen diegu.