Elkarretaratzea egin dugu Bizkaiko Foru Aldundiaren egoitzaren aurrean, esku-hartze sozialeko langileek bizi duten egoeraren berri emateko. Hain zuzen ere, esku hartze sozialeko langileek urte asko daramatzate euren lan baldintzen eta lan osasunaren alde borrokan.
Pandemia garaian, sektoreko langileei beste kide eta kolektibo batzuekin batera premiazkoa zirela esan zitzaien, beharrezkoak. hala, haiekin batera lehen lerroan egon ziren. Egoera ikusita, aldaketak etorriko zirela esan zuten. Eta langile hauen lanei, elkarte zein aldundiek, bere benetako balioa emango zietela lau haizetara saldu zuten. Baina, askotan hitzek eta ekintzek ez datoz bat eta errealitatea kontrakoa erakutsi digu.
Ordutik hona, sektore anitz, feminizatu eta konplexu honen kontrako erasoak nabarmendu dira: kaleratzeak, lan baldintzen kaskartzea, azpikontratazioen areagotzea, enpresa batzuk hitzarmenetik deskuelgeak bilatzea, etab. Hau da, langileen lan baldintzak kaskartzea batzuen interes eta mesedetan.
Beraz, publikoak izan behar ziren gizarte zerbitzuak enpresa, elkarte eta erakunde pribatuen esku daude, Bizkaiko Foru Aldundiak gizarte zerbitzuekiko duen axolagabetasuna erakutsiz. Honen ondorioa, langileen baldintza prekarioak.
Publikoak izan behar ziren zerbitzu sozialen pribatizazioak honekin lotura zuzena du.
Hitzarmenez hitzarmen, LABen ustez, ez dira desagertu sektorean dauden arazo nagusietako batzuk eta horrek ondorio negatiboak dakartza langileen lan eta bizi baldintzetan.
Urte asko daramatzagu langileek sufritzen dituzten ratio jasan ezinak salatzen, gero eta ageriagoak diren kontratazio prekarioen kontra borrokatzen, sektoreko langileentzat hitzarmen kolektibo duinagoa bilatzen, sektorean dauden adineko langileei eta euren erretiroen alde edota, lan osasunari eta prebentzioari bere benetako balioa eman nahian, berdintasun eta kontziliazio plana errealak bultzaten, eta nola ez, sektoreak jasaten dituen subkontratazioen kontrako borrokan.
Horregatik, langile hauen eskubideen alde borrokatzea ezinbestekoa da, eta langile zein sindikatuen arteko batasuna beharrezkoa dela diogu.