Digitalizazioarekin batera lan berriak sortzen ari dira. Algoritmo baten aginduetara daude langileak. Arautze espezifikorik gabeko lan berri hauetan enpresa handiek langileak esplotatzen dituzte. Eta Olentzero eta Mari Domingi ere ez daude prekarizaziotik salbu.
Gabon hauetan zure opariak etxera iristeko ehunka banatzaile ibiliko dira atsedenik gabe Euskal Herriko errepide eta kaleetan zehar. On-line merkataritza %25a baino gehiago hazi da azken urtean. Erosi duzun produktuaren prezio merke hori, banaketaz arduratzen diren langileen prekarizazioaren ondorioa ere bada. Ipuina berridazten ari da: Olentzero eta Mari Domingi banatzaileak dira.
Langileen eskubideen aurkako erasoa formaz aldatzen ari den honetan, guk argi dugu lehen lerroan jarraituko dugula. Ipuina aldatzen ari da bai, baina betikoa da garaipenerako errezeta: ANTOLATU ETA BORROKATU!