2012ko martxoaren 29ko greba orokorraren harira, 2013ko irailaren 11n Aitor Fernández, Jon Telletxea eta Urtzi Martínez gazteak epaitu zituzten. Absoluzioa guztientzat behar bazuen ere, Jon Telletxea zein Urtzi Martinezi bi urte eta erdiko espetxe zigorra ezarri zieten. Ostiralean epaitegiko zitazioa jaso zute eta abokatuek jakin izan dutenez, astelehenenean eskura jasoko dute espetxeratze autoa. Irailaren 22tik aurrera hamar eguneko epea izango dute kartzelan aurkezteko.
Helburu bakar bat bilatzen du amarru sare honek: erantzun sozial eta politikoa zapaldu eta itotzea. Jon Telletxea eta Urtzi Martínezen delitu bakarra Euskal Herrian bestelako eredu sozial eta ekonomiko baten alde lan egitea eta greban parte hartzea izan zen. Beraz, Telletxea eta Martinez libre nahi ditugu. Telletxea eta Martinezen berehalako espetxeratzea dela eta, gaur, hilak 15, arratsaldeko 19:00etan manifestazioa burutuko da Deustuko Done Petri plazan Grebalariak Aske! Plataformak deituta. LABek geure sostengua helarazi nahi diegu bi gazteei eta arratsaldeko manifestazioan parte hartzeko deia egiten diogu geure militantzia guztiari.
