2026-11-19
HomeZerbitzu PublikoakOsasungintzaAurreakordioa Osakidetzako garbiketa azpikontratetan

Aurreakordioa Osakidetzako garbiketa azpikontratetan

LAB, CCOO eta UGT sindikatuek, enpresa batzordearen gehiengoa osatzen dutenek, aurreakordioa sinatu dute Osakidetzako garbiketa azpikontratetan. Bi urtetako negoziazioaren ostean sindikatuek lan erreforman dauden eskubide murrizketak ekiditea lortu dute aurreakordio honen sinadurarekin.

Homologazioa dakarren xedapen iragankorra lortu da, errelebo-kontratuari eta ultraaktibitateari eustea, borondatezko arbitraia, zentro bakoitzeko plantila egotea eta gainera, aldez aurreko erretiro primen artikulua mantendu egiten da patronalak kendu nahi zuenean.

Plaza hutsen inguruko gaia ongi definituta gelditzen da lanaldi osoan ari ez den jende guztiak lanpostu aldaketa eskatu ahal izango duelako lanaldi osoa lortu arte.

Gainera, ongi definituta gelditzen da Osakidetzak epeak jarri beharko dituela karrera profesionaleko atzerapenak kobratzeko.

Negoziazio prozesu luzearen ondoren LAB pozik agertzen da aurreakordio hau sinatu delako, Osakidetzako garbiketa kontratetako langile guztien lan-baldintzak blindatzen dituena.
 

 

 

AZKEN ALBISTEAK | ÚLTIMAS NOTICIAS

LABek eskatzen du BFAko eta GUFEko plantilla handitzea zenbait unitatetan, ez baitago langile kopuru nahikorik

Bizkaiko Foru Aldundiko-GUFEko LABen atal sindikalak proposamen bat aurkeztu zuen joan den astean Batzar Nagusietan, bi erakundeen Lanpostuen Zerrenda (LPZ) handitzeko eskatuz, Bizkaiko aurrekontu-proiektuan bertan 2027an ezartzen diren langile-hazkundearen aurreikuspenetatik harago.

Lan eremuan indarkeria matxistaren aurkako konpromisoak behar direla aldarrikatzera kalera aterako gara azaroaren 25ean

Emakumeen Aurkako Indarkeriaren Kontrako egunaren harira, LABetik mobilizazio bana deitu dugu Gasteizen eta Iruñean.

Salatzen dugu Correoseko bulegoak eta banaketa-unitateak gainezka daudela kontrataziorik egin ez delako

Posta bidezko botoa onartzeko azken eguna bihar izango da, eta LABen atal sindikalak salatu du bulegoak eta banaketa-unitateak gainezka daudela, hauteskunde-kanpainak eragindako jarduera-igoeraren eta kontratazio faltaren ondorioz. Egoera horrek agerian uzten du, beste behin ere, enpresaren aurreikuspen eta plangintza falta.