2026-11-16
HomeLAB SindikatuaLan erreforma indargabetzeko presio soziala ezinbestekoa dela berretsi du Garbiñe Aranburuk

Lan erreforma indargabetzeko presio soziala ezinbestekoa dela berretsi du Garbiñe Aranburuk

LABeko idazkari nagusi Garbiñe Aranburu Euskal Telebistako “Egun On Euskadi” saioan izan da, aktualitateko gaiei buruz hitz egiteko. Lan erreformari buruz galdetu diote, besteak beste: “Lan erreforma atzera botatzea oso neurri garrantzitsua litzateke, baina, egia esan, presio sozialik ez badago, Gobernuak ez badu presio sozial hori sentitzen, lan erreforma atzera botatzeko iragarpenak hitz hutsetan geratzeko arriskua du”.

Hain zuzen ere, Garbiñe Aranburuk adierazi du urtebete pasa dela jada Espainiako Gobernuak EH Bildurekin lan erreforma indargabetzeko konpromisoa hartu zuenetik, eta oraindik mugimendurik ikusi ez dugula nabarmendu du: “CEOE patronala dago horren atzean, eman nahi zaion beto eskubidea dela eta”.

Sindikatuko idazkari nagusiaren hitzetan, “hainbat enpresatan enplegua suntsitzen ari dira, baita norbanakoen enplegu asko ere, behin behinekotasun tasa handiak bermatzen dituelako erreformak. Patronalari esaten diogu langileok ez gaudela hori onartzeko prest. Mobilizazioak eta grebak egin ditugu enpleguaren defentsan, eta bide judiziala amaitzen denean ere mobilizazioak aurrera jarraitzen du”.

Beste hainbat gaien artean, Maiatzaren Lehenean aipatutako greba orokor baten beharrari buruz ere galdetu diote: “Guk egiten dugun irakurketa da aldaketa garaian gaudela, ezinbestekoak direla aldaketak, egungo sistema ezin baita sozialki eta ekonomikoki sostengatu. Enpleguaren defentsan, lan duinaren alde, zerbitzu publikoen defentsa, zaintza sistema publikoaren aldarria, pentsio duinen alde… badaude borroka sozial asko piztuta, eta iritsi da garaia borroka horiek bateratu eta beste urrats bat emateko”. Garbiñe Aranbururen esanetan, datorren kurtsora begirako greba orokorrak mugarri bat izan behar du, eta patronalari eta instituzioei mezu argi bat bidali nahi diegu: “zerbitzu publikoen norabidea aldatu nahi dugu, eta ez dugu onartuko langileok krisi honen ondorioak ordaintzen jarrai dezaten”.

AZKEN ALBISTEAK | ÚLTIMAS NOTICIAS

Leioako Foru Egoitzako langileak grebara doaz lankide falta eta baldintzen okertzea salatzeko

Azaroaren 16an deitu dute greba; izan ere, zuzendaritzak planteatutako langile-kopurua ez da nahikoa, lan-baldintzak okertu egin dira eta zuzendaritzak ez du zentroaren benetako beharrei erantzungo dien lanpostu-zerrenda negoziatu nahi.

Mobilizazioaren indarrak mugitzera behartu du Osakidetza, baina proposamenak oraindik ez dira nahikoa

LAB, SATSE, ELA, CCOO eta UGT sindikatuok balioetsi dugu urriaren 30eko greban profesionalek emandako erantzun irmoak Mahai Sektorialean posizioak mugitzen hastera behartu duela Osakidetzako...

Nafarroako Industria Foru Lege berriak inbertitzaile pribatuak lehenesten dituela kritikatzen dugu, baina ontzat jotzen ditugu jabetza publikoa, deslokalizazioa eta lanaldiarekiko aurrerapenak

Parlamentuak atzo onartutako Industria Foru Lege berriak inbertsio pribatua erraztera bideratuta dago, pizgarri, sinplifikazio administratibo eta kanpoko inbertitzaileak erakartzera bideratutako bestelako neurrien bidez. Hala...