LAB sindikatuak, Gipuzkoako metaleko delegatuen batzarra burutu zuen atzo Hernanin. Herrialdeko metaleko hitzarmenaren inguruko egoeraren gaineko gogoeta egin ondoren, orain arteko bideari jarraipena ematea erabaki zuten.
Enpresetan, gainontzeko sindikatuei eta patronalari, herrialdeko hitzarmenaren aldeko akordiorako proposamenak lantzen jarraituko dute, enpresa mailako negoziazio eremuarekin uztartuz. LABek, orain arte egin bezala, baina estrategia berdefinituz, bi negoziazio eremuen aldeko hautua egiten du, sindikatuaren ustez, biak ala biak, bata bestearen osagarri baitira.
Metaleko delegatuek, Azarorako eta Abenduko lehen hamabostaldirako mobilizazioak adostu dituzte eskualdeka, Gipuzkoako metaleko hitzarmenaren alde.
Horrez gain, azaroaren 26 eta 28rako, Hego Euskal Herri guztian eta maila konfederalean, mobilizazio egunak deitu ditu sindikatuak, negoziazio kolektibo eta enpleguaren alde eta egun horietan, Azaroaren 30ean, Donostin burutuko den manifestazio nazionala joateko deialdia egingo da eskualdez eskualde.
LAB sarean
{module[111]}
{module[111]}