LAB sindikatuko delegatuak kontzentrazioa burutu dute gaur Bilbon “Aukera ekonomikoei” buruzko Foro batean parte hartu duen Luis de Guindos, Espainiako Ekonomia Ministroaren presentzia salatzeko.
Orain arte ikusi dugu enplegu prekarioa eta kaleratzeak errazten dituen lan-erreforma; eskubide laboralak suntsitzen dituen negoziazio kolektiboaren erreforma, egungo eta etorkizuneko gure pentsioekin egin nahi dutena. Eskubideak negozio bihurtzen dituzte.
Hauxe da egin nahi dutena, hori ere badakigu, krisitik ateratze ari garela eta dena hobeto doala esanez GEZURRETAN ari diren bitartean:
– Ekonomia bankari eta espekulatzaileen zerbitzura jartzen jarraitu nahi dute, botere ekonomikoa banka eta finantza-sisteman kontzentratzen jarraitu politika publikoak erabakitzen dituen benetako boterea bilakatuz.
Baina gaur, de Guindosek Madrilera oso mezu argia eramatea nahi dugu:
– EZ DUGULA ONARTUKO eskubide sozialak, administrazio publikoei exijitu ahal zaizkien eskubide moduan, ordenamendu juridikotik ezabatuak izan daitezen, aurrekontu nahikoa baldin badago soilik aurre egingo zaien egoerak bihurtzeko.
– EZ DUGULA ONARTUKO zerbitzu publikoek euren izaera unibertsala gal dezaten, bakarren batzuk euren kontura negozioa egin ahal izateko pribatiza ditzaten.
– EZ DUGULA ONARTUKO lanerako eskubidea, bizi-baldintza duinak izatea ahalbidetzen digun eskubidea, akziodunen dibidenduak hobetzeko helburuarekin sakrifika dadin.
Ondorioz, gaur Bilbon ez diegu soilik EZETZ esaten Madrilgo INPOSAKETEI, Euskal Herriko gobernuei ere esaten diegu ezin dietela euren erantzukizunei izkin egin inoren erabakiak aipatuz.
“Langileek aurkako erasorik ez! Euskal Herriak hitza eta erabakia!”. Horixe da pankartako lema. Euskal Herriak bere erabaki propioak hartzeko eskubidea dauka. Euskal Herrian badago alternatiba eta posiblea da eredu sozial, ekonomiko eta politiko propioa, bizi-baldintza duinak bermatuko dizkiguna berton lan egin eta bizi garenei.
{module[111]}