LABeko delegatuek batzarra egin dute gaur Greba Orokorraren deialdia prestatu eta jendarteratzeko helburu bikoitzarekin. Hala LABeko militantzia osoarentzat lantegi, ikastetxe, lan zentro eta abarretako langile batzarrak prestatzeko baliagarri izango zaizkion ardatz nagusiak aurkeztu dira.
Deialdi orokorraren diseinua, gutun sozialaren eduki eta helburuak eta gainontzeko sindikatu edota jendarte eragileekin adostutako konpromisoak lehen edukia izan dira, batzarrera bertaratutako delegatuek eztabaidari ekin aurretik.
Era berean ezker abertzaleko gainontzeko kideekin antolatutako Greba Batzordeekin tresnak eta funtzionamendua azaldu dira, aste honen zehar Gasteizko auzoetan osatuko diren Greba Batzordeak alegia.
Azkenik, behin batzarra amaituta SEAren egoitzaraino giza-katea egin da «NEGOZIAZIO KOLEKTIBOAREN ALDE- M-30 GREBA OROKORRA» lelopean.
LAB SAREAN
{module[111]}
{module[111]}