Iragan martxoaren 22an Bilboko lehen Instrukzio Epaitegiak EITBko zuzendari izandako Juan Luis Diego Casalsi deklarazioa hartu zion, LAB sindikatuak jarri eta epaitegiaren autoak 2013ko otsailaren 26an tramitera onartutako kereilari lotuta.
Bere deklarazioaren arabera J.L.Diego Casalsek parte-hartutako sozietatearen administrazio kontseiluaren parte-hartzea ez zela maila pertsonalean, baizik eta zuen arduraren araberako ente publikoaren izenean zela akreditatzen badu ere, LABek abala zein baldintzetan onartzen den argitzeke gelditzen dela uste du, bai eta EITBk erantzun behar izan zuen abala exekutatzen amaitzeko dauden arrazoiak eta erantzukizunak ere.
J.L.Diego Casalsek berak EITBren izenean formalizatu zuela onartu du, baina bere exekuzioan erantzukizunik ukatu egiten du. PSEko jaurlaritzak ordezkatzen duen zuzendaritzaren kudeaketarena dela dio, abalatutako sozietatea insolbentziara eramanez lehenago, eta ondoren EITBko diru publikoarekin 700.000 eurorekin erantzun behar izatera; kasu honetan Patxi Arratibel eta Alberto Surioren izenak aipatzen ditu espresuki.
{module[111]}