2024-05-06
HomeIndustriaMetalgintzaGreba eta protestekin jarraitzen dute Corrugados enpresako langileek

Greba eta protestekin jarraitzen dute Corrugados enpresako langileek

Gaur, 2012ko Ekainak 26an Corrugados Azpeitiako langileek (200 inguru izan dira) salaketa elkarteratze bat burutu dute Gasteizen, Lakuan, Eusko Jaurlaritzaren aurrean. Aipatutako langileak greba mugagabean daude ekainaren 15az geroztik zuzendaritzak soldaten %35ren beherapena eta 49 orduko lanaldi hazkundea proposatzeaz gain, 60 kaleratze eta beste 244 langileentzako (enpresan geratzen diren guztientzat alegia) Enplegu Erregulaziorako Espedientea aurkeztu ondoren. 

“Gezurretan jardun duzue, Etorkizuna argitu” lelopean gaur egindako protestan, enpresa Batzordearen gehiengoak (LAB-ELA) zuzendaritzaren jarrera salatu du. Atzo astelehena enpresa batzordeak bilera egin zuen zuzendaritzarekin, baina zuzendaritzak ez zuen inongo proposamen edo eskaintzarik egin; berri bakarra izan zen astezkenetik aurrera itxiera patronala egingo dutela. Langileen ustez zuzendaritzak ez du konponbide batera iristeko inongo asmorik eta atzoko bilera aurpegia zuritzeko besterik ez zela izan salatu du.

Bestalde, kontutan izanik bilerara enpresako ordezkarien ordez ADEGIko ordezkaria bertaratu zela (Juan Ramon Apezetxea), enpresa batzordeak ADEGIren papera salatu eta garbi utzi nahi du halako jarrera eta mehatxuek ez dutela langileak beldurtzeko helbururik lortuko.

Halaber, enpresa batzordeak gogorarazi eta salatzen du, Eusko Jaurlaritzak azken Enplegu Erregulaziorako Espedientea onartu zenean Gallardo Taldeari 5 milioi eurotako diru laguntza publikoa eman ziola zuzendaritzak aurkeztutako bideragarritasun planean oinarrituz. Eusko Jaurlaritzako bozeramailea den Idoia Mendiak adierazi zuen diru laguntza horren bitartez enpresako etorkizuna bermatzen zutela, 2016a bitarte ez zela kaleratze gehiago egongo eta beste enpresa batzuetarako adibidea izan zitekeela. Beraz, langileen ordezkariek galdetzen dutena da: zein baldintzen arabera eman zen diru laguntza hori? Zertan gastatu da diru laguntza hori?

Amaitzeko, Enpresa Batzordeak bere momentuan salatu zuen bezalaxe berriz salatzen du, Gallardo Taldeak ez duela enpresa aurrera ateratzeko benetako bideragarritasun planik eta enpresa irekita mantentzeko beste interes batzuk daudela jokoan.

AZKEN ALBISTEAK | ÚLTIMAS NOTICIAS

Gernikako anbulantzia medikalizatua medikurik gabe

Atzo, Maiatzak 5, Bermeotik, Lekeitio, Durango eta Zeanurirarteko emergentziazko osasun asistentzia bermatzen duen Gernikako anbulantzia medikalizatua medikurik gabe egon zen, Osakidetzako Larrialdietako Zuzendaritzak duen kudeaketa txarra tarteko.

Dei egiten dugu aurtengo lehenengo hilketa matxistaren aurrean Emakumeen Mundu Martxak deitutako mobilizazioetan parte hartzera

Maiatzaren 3an, 34 urteko emakumea* indarkeria zantzuekin hilda agertu zen Donibane Lohitzuneko hotel batean. 2024an Euskal Herrian izandako lehen hilketa matxista izan da eta LABetik, bat egiten dugu Emakumeen Mundu Martxak deitutako mobilizazioekin eta euretan parte hartzeko deia egiten dugu.

Osakidetzako zuzendaritzak ikuztegi lanak publifikatu behar ditu, Euskal Autonomia Erkidegoko Auzitegi Nagusian LABi arrazoia eman dion epaiaren ondoren

LABek antzeman zuen Santa Marina Ospitaleko ikuzketa-lanak pribatizatuta jarraitzea nahi zuela Osakidetzak. Zuzendaritzak pribatizazioaren alde egindako apustu berri horren aurrean, sindikatuak errekurtso berezi bat jarri zuen 2023ko otsailean, eta Kontratu Errekurtsoen Administrazio Organoak onartu egin zuen. Horren aurrean, Osakidetzak EAEko Auzitegi Nagusira jo zuen, eta azken horrek ontzat jo du LABek aurkeztutako errekurtsoa. Hala, zeregin horiek egiteko kanpoko enpresa bat kontratatzen jarraitzea galarazi du.