2024-03-05
HomeOharrakIndustria"Langileak mehatxatuz ez gaituzte isilduko! Despidorik ez"

“Langileak mehatxatuz ez gaituzte isilduko! Despidorik ez”

GTM Norte enpresa Euban (Zornotza) dago eta Grupo Ibarrondo Elevación (Asua) taldekoa da. Talde honek hainbat enpresa dauzka Gruas Ibarrondo, Plataformas Ibarrondo eta GPK 2020. Hain zuzen ere, azken enpresa hau iaz erosi zuten, eta horrelako inbertsioak egiten ari den enpresa batek orain ezin esan dezake arazo ekonomikoak dauzkanik. 
GTM Norte-ko langileetako bat maiatzaren 18an kaleratu zuten, kaleratze objektiboaren aitzakiapean eta azken hilabeteetan galerak izan dituztela argudiatuz; ekainaren lehen astean beste bi langile kaleratu zituzten arrazoi berdina argudiatuta. Hala ere, LAB sindikatuak argi daukagu arrazoiak ez direla horiek.

1. LAB sindikatuaren aurkako eraso zuzena da. Urritik maiatzera arte, enpresa eta langileen ordezkariak negoziaziotan ibili gara. Prozesu guzti horretan, LAB sindikatuak eta gure ordezkariak enpresaren aurrean gure jarrera momentu oro defendatu dugu. Kaleratutako pertsonak, gure afiliatuak da eta gainera delegatuaren inguru hurbilekoak dira.

2. GTM Norte-ko langileen aurkako mehatxu eta beldurtze ahalegina. Negoziazio prozesu osoan zehar, GTM Norteko langile guztiak bat eginda azaldu dira enpresaren aurrean. Lehen kaleratzea eta gero, langileek borrokan hastea erabaki zuten, kaleratzearen arrazoia mendekua zela argudiatuta, horregatik, enpresak 7 langile bilera batera deitu eta “kaleratze gehiago egon daitezke” edota “enpresarekin edota enpresaren aurka zaudeten esan behar diguzue” bezalakoak entzun behar izan zituzten. Azkenean, mehatxua muturreraino eraman eta beste bi kaleratu zituzten ekainaren 7an.

GTM Norte-ko langileak beraien lanpostuak galtzeko beldur dira eta LAB sindikatua oso haserre gaude enpresaren izutze eta mendeku estrategia dela-eta.

LAB Sindikatuak ez dugu inolaz ere langileen eskubideak defendatzearren inoren kaleratzerik onartuko, are gutxiago gure sindikatuaren aurkako eraso eta mendekurik. Hain zuzen ere horregatik, datorren astelehenean, hilak 2, eguerdiko 12:00etan elkarretaratzea deitu dugu IBARRONDO enpresaren ateetan, Asuan; mehatxuekin bukatu eta langileak berriro ere lanera bueltatu daitezen eskatzeko.

AZKEN ALBISTEAK | ÚLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.